أول جمعة

صحيت يوم الجمعة على الساعة 10 الصبح كدة ولا حاجة، كانت السما على غير العادة مغيمة ’ أصل عادا يوم الجمعة بتبقى الشمس مشرقة و الجو مرح كدة، قلت يلا مش أزمة تلاقي الشمس حتطلع بعدين، رحت جبت الجرنال من الفرندة و ببص عل الصفحة الأولى لقيت خبر عن مصر و علمنا في صورة كبيرة بس الغريب أن النسر أختفى، قلت أهز راسي كدة شوية يمكن أنا مش مركز ، برضه مش موجود، قلت يمكن الجرنال بيهيس عليا ولا بتاع، خلاص بلاها جرايد النهاردة، قمت رحت المطبخ أشوف كدة فطار الجمعة جهز ولا ايه، لقيت أمي قاعدة بتقلي البيض و أبويا مصمم يعمل الفول و يحط فيه أي حاجة غريبة و خلاص متفهمش بقة ده بهدف الاكتشافات العلمية ولا مجرد رغبة ابداع مكبوتة، طبعا بما أنا مش عارف أصبر قعدت أخد عينات من كل حاجة، حبة طماطم على خيار، بس طعمهم كان غريب ، فباسأل أهلي هو ايه حكاية الخضار ده، طعمه مش مضبوط، فردت ماما........................يتبع-انتظرونا في الحلقة القادمة- لتروا اكتشاف بطلنا الرهيب و بداية رحلته الى المجهول